The best restaurants serving Japanese food in Fairfield Wandsworth London

Google map呢間餐廳雖然暫時得200幾個人評分，但近乎滿分🏅 因為我係誠實打食評，所以我都相信個評分嘅～ 啲食物相好吸引，再望埋餐牌，價錢都可接受，就決定去試試佢😋 入到餐廳認真望餐牌，花多眼亂，睇咗10分鐘都未揀到 第一位員工就嚟了解下我哋有無需要幫助 我Cap咗google map review嘅食物相 再show比個員工睇，佢講完比我知，我都仲要諗叫咩好🤣 之後有個香港員工問需唔需要介紹，又好似真係需要推介 最後4個人叫咗5樣，有2個人係細食嘅😆 ⭐️A12. Wasabi Prawn £9.5 招牌真係招牌 大大隻真King Prawn加wasabi mayonnaise 我比💯 皮薄又脆 如果可以 我想一個人食5隻🌝 ⭐️A14. Nasu Dengaku £8 係屋企整過燒茄子 仲未夠班整到咁好食 睇嚟我真係需要精進下廚藝🤣 ⭐️E4. Tempura Udon £13.8 嚟到英國後真係第一次食冷藏烏冬 係幼身啲嘅讚歧 煙韌有咬口 湯底又好清甜 天婦羅一樣都係皮薄又脆 有兩隻蝦 一件翠肉瓜 一件茄子 一件南瓜 ⭐️I3. Nigiri Set £16.8 員工推薦嘅chef selection 我揀咗件鮮貝類食 好新鮮清甜 真係好好食👍🏻👍🏻👍🏻 屋企人都話其他都好食～ ⭐️F4. Unagi Don £16.8 鰻魚迷係英國真係覺得好難過 呢次係第三次食鰻魚 絕對係第一名嘅鰻魚飯！ 雖然唔係表面燒到脆個隻 但係佢處理骨處理得好好 唔算多 有都係軟到吞都無問題 我絕對會為咗鰻魚飯而encore💯 ⭐️Mochi £5.8 我都好鍾意食煙韌嘅嘢 所以雪米糍個皮我勁愛 但無諗到連入面個雪糕都好出色 尤其係抹茶味😋 最後埋單仲有好好味嘅朱古力片俾我哋食🤰🤰🤰 另外都想稱讚員工們嘅服務👍🏻👍🏻👍🏻 感謝Wing推介咁多款咁出色嘅食物 仲要溫馨提示我哋下次星期二四提早book位 壽司會有8折❤️ 同埋一位講中文&一位嚟自Tunisia嘅員工，佢哋友善又用心服務，絕對會帶或介紹其他朋友嚟食！ 平時除咗評價食咗嘅嘢，都好少打咁多內文 但因為食完太出色，搖身一變成為插隊新鮮食評 一改我起碼半年後先打嘅pattern，所以特別詳盡🤣